CELEBRACIÓN DO DÍA DA PALABRA

O día 23 de novembro de 2012 celebramos o Día da Palabra. Todo o alumnado do colexio, reunido no salón do comedor, elaborou un marcapáxina co lema "És o que les". Os alumnos  máis pequenos foron axudados polos máis grandes.

EXCURSIÓN DE FIN DE CURSO. XUÑO DE 2012.

O día 21 de xuño de 2012 realizouse a excursión de fin de curso, que esta vez consistíu en realizar a "Rota xacobea polo mar de Arousa e o río Ulla". Previamente, alumnos e profesores, pola mañá, visitaron Combarro e andiveron polo paseo de Pedras Negras, en San Vicente do Mar. Despois de comer no Monte Xiradella, collimos o barco no porto de O Grove, que, despois de levarnos durante dúas horas marabillosas pola ría de Arousa e o río Ulla, deixounos en Pontecesures.

DECORANDO PARAUGAS

O día 16 de maio de 2012 realizouse esta actividade, enmarcada no contexto do Proxecto Comenius, adicado este bienio á auga. Foi unha bonita experiencia, na que o alumnado máis grande axudou aos máis pequenos.

FLIP FLOP EN CARBALLEDO

Versión extendida (4min) do filme que o noso Centro elaborou como remate do proxecto bianual "Water, blue gold for life", enmarcado no Proxecto Comenius. A versión reducida desta curta de vídeo formará parte do filme conxunto elaborado polos colexios participantes, titulado "Flip Flop, the little drop story".

EU FALO GALEGO PORQUE ...

Aquí tedes a versión completa do vídeo promocional da Lingua Galega (8 minutos), realizado polo Equipo de Dinamización Lingüística do noso centro en marzo de 2012.