Xa sabedes que intercambiamos correspondencia co CEIP Plurilingüe de Tirán (Moaña). Como estamos en decembro, toca enviarlles postais e unha panxoliña. No vídeo da panxoliña participou todo o alumnado do centro.
Aquí tedes dúas mostras do vídeo. Un, con actuacións de cada grupo de alumnos e outros todos xuntos, para que se nos vexa. Feliz Nadal a todos.
Por primeira vez a nosa Revista Escolar sae en formato dixital.
As nais e pais que queiran unha copia dixital da revista (en formato pdf) poden recollela no colexio ou baixala directamente premendo no menú DESCARGAS da páxina principal da WEB do colexio.
O día 21 de xuño de 2012 realizouse a excursión de fin de curso, que esta vez consistíu en realizar a "Rota xacobea polo mar de Arousa e o río Ulla". Previamente, alumnos e profesores, pola mañá, visitaron Combarro e andiveron polo paseo de Pedras Negras, en San Vicente do Mar. Despois de comer no Monte Xiradella, collimos o barco no porto de O Grove, que, despois de levarnos durante dúas horas marabillosas pola ría de Arousa e o río Ulla, deixounos en Pontecesures.
